-台語朗誦- （漢字版）
中國領土自古台灣呣是
滿清征服台灣就欲放棄
呣認台灣人屬在伊
施琅著急趕緊建議
清國雖然呣願意
姑不二章收入去
笑咱花不香鳥不語
罵咱女無情男無義
台灣人受異族統治
拖磨艱苦親像孤兒
移民禁止兩百年
台灣設省在這時
十二年後閣放棄
送互日本做戰利
祖先坐船過烏水溝
艱難慼心前途茫渺
開墾台灣做咱的兜
脫出祖國永無回頭
有荷蘭鄭成功的樣可隨
清朝官府繼續抽萬萬稅
比在國內閣卡濟
台灣人互伊看衰
當做賤民流氓及匪類
大官小卒攏來對外位
三年官二年肥
軍兵變做土匪
禁限移民開墾土地
一切由官員來控制
大官沒收田園當做家己的
歪哥亂來欺負百姓足爽勢
人民勞苦閣負債
生活那親像牛馬
政治腐敗社會不安
台灣人日子真艱難
壓迫困苦過鬼門關
求生無路拚命起叛
三年一小亂
五年一大亂
朱一貴革命在岡山
十三日攻佔全台灣
福佬及客人煞相冤
失敗被掠分屍無怨
林爽文是最大一層
彰化起事全台造反
鹿港登陸清兵十萬
得著泉州人的幫贊
害漳州人戰輸解散
全家京城抄斬法辦
英雄好漢史蹟斑斑
互台灣人追思無限
|
作者周明峰為復健專科醫師 (Emerson M. F. Jou, M.D., M.P.H.)
Source: 臺灣e新聞
引用:台灣228網站 |
沒有留言:
張貼留言