| 新聞報導 - 大地新聞報導 | |
| 作者 台灣大地文教基金會 | |
| 2015-11-05 | |
 點擊上圖可看更多照片
時間：2015年10月31日
地點：台灣聖山－生態教育園區 台灣南社社長張復聚醫師致詞：
田董事長、教育部前部長、楊醫師、蔡教授、鄭老師的家屬、以及咱很多的前輩，大家好、大家平安、大家出頭天。南社前社長曾貴海醫師是鄭正煜老師很好的同志，他們做為同志已經超過四十年了，本來他今天要來，但因為身體欠安，所以無法來，他有寫一首詩，交待我幫他讀，所以我先讀曾貴海醫師的詩，等一下再報告我的感想。
佮癌相拚ê 朋友 ◎ 前台灣南社社長 曾貴海醫師 伊ê 固執無法度改變 地動hánn ( 哄) 袂倒伊ê 身軀 風颱吹袂斷伊ê 跤筋 三百六十五日lóng ài 做代誌 身軀內底跳動ê m̄是心臟 是信念佮操煩ê 時鐘 是這 時代運命ê 時鐘 伊是近視ê 大目牛 命中注定逐工曝日頭 逐日佇田園犁拋荒ê 焦塗 伊無想欲做英雄出頭 m̄過，伊永遠關心ê 是唯一ê 島國 Tang-sî ( 當時) 有真正國家ê 旗仔 Tang-sî 會當出帆遊世界 身軀揹真濟粒歹物仔 伊kā 歹物仔講 你敢忍心下手 不管內底ê 癌抑是人間ê 癌 伊lóng 無想欲屈服 擋到時間流目屎ê 時陣 伊才甘願歇睏 希望上尾ê 目睭光 看著苦難已經離開
而我的（張復聚醫師）感想就是紀念碑最上面、字最大的那幾個字，就是咱楊醫師跟杜部長在一直說的「教育、教育、教育」。鄭老師最愛講的一句話「教育是上軟性 koh 上強勢 ê 建國工程」。
鄭老師一生ê 志業有3 項：第一，教育台灣化、第二，反媒體壟斷、第三，反賄選。反媒體壟斷已經有部份得著解決。 反對選舉買票是希望台灣會當建立真正公平ê 選舉。不過，到 這馬猶無真理想，koh 需要大家繼續拍拚。中國國民黨對台灣人民搶--去ê黨產，本質不公不義，koh 提來選舉買票，污染台灣政治、毒害台灣人心靈，是台灣上蓋大ê作亂來源！ 「教育台灣化」是上要緊ê 目標！意思是建立「台灣主體性教育」，強調「釘根台灣母語ê 台灣學」教育。 台灣母語保留台灣文化，「台灣學」教育hō台灣囡仔了解台灣歷史、地理、文化、政治等等kap 台灣人m̄ 驚艱苦、一枝草一點露、無暝無日認真拍拚、輸人m̄ 輸陣、堅心一志beh「出頭天」ê 向望！ 伊真心相信：台灣囡仔若有認bat 真正ê 台灣kap 台灣人ê 內涵，咱定著真緊會出頭天！ 1997 年國中必修「認識台灣」教材、1999 年教育部正式制定「台灣母語教育」，鄭老師是主要chhōa 頭ê 功勞者。後-- 來koh 有幫贊制定「台灣母語日」佮「母語訪視」制度。伊若有看著最近高中生 khiā 出來反課綱，絕對足歡喜！ 鄭老師永遠堅持beh 追求ê 目的就是：建立和平獨立ê 台灣國格。鄭老師上愛講ê 一句話是：「教育是上軟性koh 上強勢ê 建國工程。」 延伸閱讀： 【影片】台灣聖山立碑紀念「台灣學教育」開拓者－鄭正煜老師 【影片】鄭正煜烈士揭碑典禮暨追思大會－楊緒東致詞 【影片】鄭正煜烈士揭碑典禮暨追思大會－杜正勝致詞 【影片】鄭正煜烈士揭碑典禮暨追思大會－田再庭致詞 民報－台灣學教育開拓者 鄭正煜揭碑追思會 自由時報－紀念鄭正煜 台灣聖山立碑
出處: 台灣大地文教基金會
| |
2015年11月5日 星期四
【影片】鄭正煜烈士揭碑典禮暨追思大會－張復聚致詞
訂閱：
張貼留言 (Atom)
沒有留言:
張貼留言